បង
( គុ. ឬ ន. ) ដែលកើតមុន, ដែលមានអាយុលើសជាង (ទីទៃពីប្អូន) : បងប្រុស, បងស្រី ។ បងចិញ្ចឹម អ្នកដែលមានអាយុច្រើនស្រករនឹងបងរបស់ខ្លួន បានចិញ្ចឹមរក្សាខ្លួនមកដូចជាបងបង្កើត ។ បងជីដូនមួយ, បងជីទួតមួយ, បងជីលួតមួយ បងដែលមានជីដូនជីតា, ទួត, លួតជាមួយគ្នានឹងខ្លួន ។ បងថ្លៃ បងរបស់ប្ដីឬបងរបស់ប្រពន្ធ ។ បងធម៌ អ្នកឯទៀតដែលមានអាយុច្រើនស្រករនឹងបងរបស់ខ្លួន នឹងយកជាមិត្រសំឡាញ់មិនសម ព្រោះមានអាយុមិនស្មើគ្នា ក៏សុំគ្នាជាបងជាប្អូន រាប់អានគ្នាតាមធម៌ ទុកស្មើបងប្អូនបង្កើត ហៅថា បងធម៌, ប្អូនធម៌ ។