ពាក្យ
ដោយWiktionary
ពាក សំ. បា. ( ន. ) (វាក្យ, វ > ព ) “ភាសា, សម្ដី; ប្រយោគសម្ដី” ។ ពាក្យចំ ឬ ពាក្យចំពោះ ពាក្យដែលមានសេចក្ដីត្រង់ៗ មិនប្រៀបធៀប, ដូចជា : ចាក់ស្មុគ ចាក់បន្ទោះត្បាញឲ្យកើតជាស្មុគ ។ ពាក្យប្រៀប ពាក្យដែលមានសេចក្ដីមិនត្រង់ចំពោះ គ្រាន់តែប្រៀបប្រដូច, ដូចជា : សម្ដីសាញចាក់ស្មុគ; ជំពាក់ឆ្វាក់ចាក់ស្រេះ (ប្រហែលដូចគេចាក់បន្ទោះត្បាញស្មុគ) ។ ពាក្យទំនឹម ឬ ពាក្យទំនឹមទំនៀម (ម. ព. ទំនឹម) ។ ពាក្យផ្ទុយ ពាក្យដែលមានជាទំនាស់គ្នា ដូចជា : ខ្ពស់ ជាពាក្យផ្ទុយនឹង ទាប ជាដើម ។ល។
