លួច

ពីWiktionary

( កិ. ) លប​យក​អ្វី​មួយ​របស់​អ្នក​ដទៃ​ដែល​គេ​មិន​ឲ្យ​ដោយ​ថេយ្យ​ចិត្ត : លួច​ទ្រព្យ​គេ ។ លួច​គំនិត លប​ធ្វើ​តាម​គំនិត​គេ ឬ​លប​បំបាត់​គំនិត​ដែល​គេ​បង្គាប់ ធ្វើ​តាម​គំនិត​ខ្លួន​វិញ ។ លួច​ចិត្ត ក្បត់​ចិត្ត ។ លួច​ចំណេះ លប​យក​ចំណេះ​ដោយ​មិន​បាច់​រៀន​ផ្ទាល់​ពី​គេ ។ លួច​ឈ្មោះ​លប សរសេរ​ចុះ​ឈ្មោះ​គេ ឬ​លប​យក​ឈ្មោះ​គេ​ទៅ​ថ្លែង ។ លួច​ប្តី​គេ ឬ លួច​ប្រពន្ធ​គេ លប​ធ្វើ​អំពើ​ស្មន់​អន្ធករ​ជា​មួយ​នឹង​ប្តី​ឬ​ប្រពន្ធ​គេ ។ លួច​ភេទ ក្លែង​ភេទ​ធ្វើ​ជា​អ្នក​បួស​ខ្លួន​ឯង (ព. វិ. ពុ.) ។ លួច​លាក់ លប​លាក់ ។ លួច​ល្បក់ លប​ធ្វើ​ក្នុង​ពេល ឬ​ក្នុង​ស្របក់​ដែល​គេ​ប្រហែស​ធ្វេស ។ លួច​ល្បិច លប​យក​ល្បិច​គេ ។ លួច​សព លប​យក​សព​ក្នុង​វេលា​យប់​ស្ងាត់​ពី​ក្នុង​ទី​សាមញ្ញ​មក​តម្កល់​ក្នុង​ទី​ដ៏​រុងរឿង ដើម្បី​នឹង​ដង្ហែ​ឲ្យ​គគ្រឹកគគ្រេង ។ លួច​សំវាស (--ស័ង-វ៉ាស) ក្លែង​ធ្វើ​ជា​ភិក្ខុ រួម​សំវាស​ជា​មួយ​នឹង​ភិក្ខុ​សង្ឃ (ព. វិ. ពុ.) ។ល។