ក្លិង្គ

ពីWiktionary

សំ. បា. ( ន. ) (កលិង្គ) ឈ្មោះ​ដែន ១ នៅ​ក្នុង​មជ្ឈិម​ប្រទេស ឬ​ប្រទេស​ឥណ្ឌា; ប្រជាជន​ដែល​នៅ​ក្នុង​ដែន​នោះ ក៏​ហៅ​ថា ក្លិង្គ ដែរ ។ ក្លឹង្គ (Kalinga, कलिङ्ग) គឺ​ជា​រដ្ឋ​ដំបូង​មួយ​ស្ថិត​នៅ​ទិសខាងកើត​ភាគ​កណ្តាល​នៃ​ប្រទេស​ឥណ្ឌា​សព្វថ្ងៃ ។ បច្ចុប្បន្ន​ក្លឹង្គ​​ស្ថិត​នៅ​ក្នុង​រដ្ឋ​អូឌីសា (Odisha), ដែនដី​មួយ​ផ្នែក​ស្ថិត​នៅ​ភាគ​ខាង​ជើង​នៃ​រដ្ឋ​អន្ធ្រៈប្រាដេស (Andhra Pradesh) និង ដែន​ដី​មួយ​ផ្នែក​នៃ​រដ្ឋ​មធ្យប្រាដែស (Madhya pradesh) ។ ក្លឹង្គ​គឺ​ជា​ដែនដី​មាន​ជីជាតិ​សម្បូរណ៍បែប​ លាត​សន្ធឹង​ចាប់​ពី​ទន្លេ​ ដាម៉ូដារ ឬ​គង្គា (Damodar/Ganges) រហូត​ទៅ​ដល់​ទន្លេ​ ហ្គោដាវ៉ារី (Godavari) និង ចាប់​ពី​ឈូង​សមុទ្រ​បឹងហ្គាល​ (Bay of Bengal)​ រហូត​ទៅ​ទល់​នឹង​ជួរ​ភ្នំ​ អាមារៈកន្ត័ក (Amarkantak range)​ស្ថិត​នៅ​ភាគ​ខាង​លិច ។ តំបន់​ក្លឹង្គ​នេះ​គឺ​ជា​សមរភូមិ​បង្ហូរឈាម​ដ៏​ធំសម្បើម​ ដែល​អ្នក​ប្រវត្តិសាស្ត្រ​ស្គាល់​ថា​​ជា​សង្គ្រាម​ក្លឹង្គ (Kalinga War)​ រវាង​ស្តេច​ចក្រពត្តិ​ អាសោក (Emperor Ashoka) របស់​សន្តតិវង្ស មោរ្យា (Maurya) នៃ​នគរ​ មគធៈ (Magadha)​ និង​ នគរ​ក្លឹង្គ ក្នុង​អំឡុង​ឆ្នាំ ២៦៥ មុន​គ្រិស្តសករាជ (c. 265 BCE) ។

  1. Cajanus cajan ( Linn.) Millsp សណ្ដែកក្លិង្គ