ចាបចង្ក្រងក្បាលខ្មៅ
ចាបចង្ក្រង់ក្បាលខ្មៅ គឺជាឈ្មោះសត្វស្លាបមួយប្រភេទ ពេលពេញវ័យ ខ្លួនមានពណ៌ត្នោតទុំ លើកលែងតែក្បាល បំពងក ពោះ និងគូថពណ៌ខ្មៅ ចំពុះពណ៌ខៀវខ្ចី។ ដោយឡែកពេលមិនទាន់ពេញវ័យ ផ្នែកខ្នងពណ៌ត្នោតខ្ចី និងផ្នែកពោះពណ៌លឿងខ្ចី។ ចំណែកប្រភេទ Ferruginosa មានក្បាលពណ៌ស បំពងកខ្មៅ និងពោះទាំងមូលពណ៌ខ្មៅ។ បក្សីនេះច្រើនរស់នៅតាមតំបន់ដំណុះព្រៃក្មេង ព្រៃគុម្ពោត វាលស្មៅ តំបន់កសិកម្មជាដើម។ ចាបចង្ក្រង់ក្បាលខ្មៅ នេះមានវត្តមានពេញមួយឆ្នាំ និងមានគ្រប់ទីកន្លែង ហើយធ្វើការបន្តពូជចាប់ពីខែធ្នូ ដល់ខែតុលា ព្រមទាំងនិយមធ្វើសំបុកនៅតាមគុម្ពោតព្រៃទាបៗ៕