ចាបចង្ក្រងចុងខ្នងស
(White-rumped Munia)
Canon 650D Len 55-250 mm Location: Kep province ចាបចង្ក្រង់ចុងខ្នងស គឺជាឈ្មោះសត្វស្លាបមួយប្រភេទ ពេលពេញវ័យ មានផ្នែកខ្នងពណ៌ត្នោតក្រម៉ៅ ចុងខ្នង និងពោះពណ៌ស។ ដោយឡែកពេលមិនទាន់ពេញវ័យ ផ្នែកខ្នងពណ៌ត្នោតខ្ចី ចុង ខ្នង និងពោះពណ៌ប្រផេះស្រាល។ បក្សីនេះច្រើនរស់នៅតាមតំបន់ដំណុះព្រៃក្មេង ព្រៃគុម្ពោត វាលស្មៅ តំបន់កសិកម្ម។ ចំពោះចំឡេងវិញ បក្សីនេះ បន្លឺតិចៗ ដូចសំឡេងសើច ពីត ពីត ពីត រួចបន្តដោយ ស្ពី.បោយី...។ ចាបចង្ក្រង់ចុងខ្នងស នេះមានវត្តមានពេញមួយឆ្នាំ និងមានគ្រប់ទីកន្លែង ហើយធ្វើការបន្តពូជពេញមួយឆ្នាំ ព្រមទាំងនិយមធ្វើសំបុកនៅតាមគុម្ពោតព្រៃទាបៗ៕