ចាបចង្ក្រង
ទោះបីជាទៅថតទេសភាពធម្មជាតិ បុប្ផាព្រៃភ្នំ ឬស្រីស្រស់អីក៏ដោយ ក៏ភ្នែកនៅដៀងក្រឡេករកមើលសត្វបក្សីដែរ ហើយក៏បានជួបដូចបំណង... រូបភាព៖ ចាបចង្រ្កង់ Scaly-breasted Munia ទីតាំង៖ សួនផ្កាឈូករ័ត្ន ម្ដុំរោងចក្រថៃហ្គ័រ ស្រុកកៀនស្វាយ ចាបចង្ក្រង់ គឺជាឈ្មោះបក្សីមួយប្រភេទ ដែលផ្នែកខ្នងមានពណ៌ត្នោតទុំ ចុងខ្នង និងកន្ទុយពណ៌លឿង និងមានពោះពណ៌ស។ បក្សីនេះ នៅពេលពេញវ័យ មានទ្រូង និងចំហៀងពោះមានរាងដូចស្រកាត្រី។ បន្ថែមពីនេះ វាជាប្រភេទបក្សីមានសំឡេងស្ងាត់ស្រទន់រណ្ដំ គីឌី គីឌី ឬ ឃីទ្ធី ឃីទ្ធី ជាពិសេសពេលហើរ។ បក្សីប្រភេទនេះ តែងតែរស់នៅវាលស្រែ តំបន់កសិកម្ម ព្រៃគុម្ពោត និង ដំណុះព្រៃក្មេង ជាដើម។ ជាទូទៅបក្សីនេះ តែងតែបង្ហាញវត្តមានពេញមួយឆ្នាំ និងមានគ្រប់ទីកន្លែង ហើយចមណែករដូវបន្តពូជគឺពេញមួយឆ្នាំ ព្រមទាំងមានពងពី ៤ ទៅ១០ពង ពណ៌ស៕