ចាបដូនតាត្រចៀកប្រាក់
ចាបដូនតាត្រចៀកប្រាក់គឺជាឈ្មោះសត្វស្លាបមួយប្រភេទ ដែលបក្សីឈ្មោលប្រភេទ Galbana មានចំពុះ ថ្ងាស ក និងផ្នែកពោះពណ៌លឿង បន្ទូលក្បាលខ្មៅ ត្រចៀកពណ៌ប្រាក់ ស្លាបពណ៌ប្រផេះ លាយក្រហម និងលឿង។ ចំណែកចុងខ្នង និងគូថ មានពណ៌ក្រហម។ ដោយឡែក បក្សីញីវិញ មានលក្ខណៈស្រដៀងបក្សីឈ្មោលផងដែរ ប៉ុន្តែមានលក្ខណៈស្លេកជាងបន្តិច។ រីឯចាបដូនតាត្រចៀកប្រាក់ប្រភេទ Cunbaci មានថ្ងាសពណ៌លឿងធំជាង។ ចាបដូនតាត្រចៀកប្រាក់ប្រភេទ Ricketti មានបំពង់កក្រហម ក និងទ្រូងពណ៌លឿងទុំ។ បក្សីប្រភេទនេះ តាមសៀវភៅកំណត់ត្រាបក្សីបានបញ្ជាក់ថា សម្បូររស់នៅតាមជាយព្រៃស្រោង គុម្ពោតព្រៃ ដំណុះព្រៃក្មេង ជាដើម។ ក្នុងកំណត់ត្រាក៏បានបញ្ជាក់ផងដែរថា បក្សីនេះ មានភាគច្រើននៅភាគខាងកើតប្រទេសកម្ពុជា ហើយបន្តពូជចាប់ពីខែកុម្ភៈ ដល់ខែសីហា៕