ចាបព្រៃវែង
ចាបព្រៃវែង គឺជាឈ្មោះសត្វស្លាបមួយប្រភេទ ដែលបក្សីឈ្មោលនៅរដូវបន្តពូជ មានមុខ និងបំពង់កពណ៌ខ្មៅ ផ្នែកពោះពណ៌លឿង វ័ណ្ឌទ្រូងត្នោត និងមានឆ្នូតសនៅដើមស្លាប។ ចំណែករដូវមិនបន្តពូជ មានបំពង់ក និងផ្នែកពោះពណ៌លឿងទុំ និងមានវ័ណ្ឌទ្រូងពណ៌ត្នោត មានឆ្នូតស្លាបស។ ដោយឡែកបក្សីញី មានរូបរាងស្រដៀងបក្សីឈ្មោលផងដែរ នៅរដូវមិនបន្តពូជ ប៉ុន្តែគ្មានវ័ណ្ឌទ្រូងពណ៌ត្នោតទេ ផ្នែកពោះពណ៌លឿងខ្ចី និងផ្នែកខ្នងពណ៌ត្នោតខ្ចី។ ។ បក្សីនេះភាគច្រើនរស់នៅតាម វាលស្មៅ គុម្ពោតព្រៃ តំបន់វាលលំហ តំបន់កសិកម្ម និងជាទូទៅនៅក្បែរមាត់ទឹក។ ចាប់ព្រៃវែងនេះ ជាប្រភេទបក្សីដែលមានរបាយរស់នៅហើរឆ្លងកាត់ពីតំបន់មួយទៅតំបន់មួយ និងមានស្ទើរគ្រប់ទីកន្លែង៕