ចាបស៊ីរុយខ្នងត្នោត
ចាបស៊ីរុយខ្នងត្នោត គឺជាប្រភេទបក្សីដែលជាទូទៅផ្នែកខ្នងមានពណ៌ត្នោតខ្ចី ផ្នែកពោះពណ៌សស្រអាប់ ទ្រូងមានពណ៌ប្រផេះ។ ដោយឡែកគល់ចំពុះ ផ្នែកខាងក្រោមពណ៌លឿង និងចុងពណ៌ខ្មៅ។ បក្សីនេះ ច្រើនរស់នៅតាមតំបន់វាល ដំណុះព្រៃក្មេង សួនច្បារ ព្រៃកោងកាង ជាដើម។ ក្នុងសៀវភៅកំណត់ត្រាសត្វស្លាបនៅកម្ពុជា បានបញ្ជាក់ថា បក្សីនេះជាប្រភេទបក្សីហើរឆ្លងកាត់ពីតំបន់មួយទៅតំបន់មួយផ្សេងទៀត និងមានគ្រប់ទីកន្លែង។ ចំណែកការបន្តពូជវិញគឺចាប់ពីខែ មេសា ដល់ខែ មិថុនា៕