ចេតនារូបារម្មណ៍

(អក្សរសិល្ប៍) រូបារម្មណ៍ដែលកវី អ្នកនិពន្ធ បង្កើតឡើង ហើយអធិប្បាយតាមរយៈការប្រើពាក្យពេចន៍ ឃ្លាប្រយោគនៅក្នុងអត្ថបទពាក្យកាព្យ ពាក្យ ក្រមងកែវ ពាក្យរាយធ្វើឱ្យអ្នកអានមានចិត្តរំភើប ជឿស្លុងទៅដោយមនោសញ្ចេតនា ទុក្ខព្រួយ សប្បាយ កំហឹង ភ័យខ្លាច ត្រេកត្រអាល សង្ឃឹម អស់សង្ឃឹម ស្រឡាញ់ ស្អប់ ឬ ការទទួលយកជំនឿណាមួយដោយពុំចាំបាច់ពិចារណាវែងឆ្ងាយឡើយ។ ឧ. នៅក្នុងរឿងទុំទាវ [...] ទុំស្រែកថាឱព្រះពាយផាត់ ទាវអើយបែកបាត់ធុំពិដោរ ជាប់តែក្លិនក្លែបអែបគន្ធ- រសរូបទាវចោរចើកចោលប្ដី។ ឱ្យនៅតែឯងតែអញសោះ ទាវគ្មានស្រណោះកោតចិត្តស្រី ចិត្តស្រស់ឥតធ្យានគ្មានប្រណី បានងួនជាប្ដីមិនខ្ចីទុំ។ ឱ! ទាវអើយទុក្ខបងចម្លែក បងឡើងដល់ស្អែកទីត្បូងឃ្មុំ ម៉្លេះសមអរជូនគេគិតគុំ ហៅភ្ញៀវជួបជុំសម្លាប់បង^១។ [...]