ឆ្មាដាវ

ពីWiktionary
Jump to navigation Jump to search

ថនិកសត្វពួកឆ្មា ភិនភាគ​៖ ឆ្មា​ដាវ​មាន​សម្បុរ​លឿង​-​ត្នោត លាយ​ជាមួយ​រោម​អុចៗ​ពណ៌​ខ្មៅ​ដែលមាន​អង្កត់ផ្ចិត ២,៥​ស​.​ម ឬ​លើសពីនេះ និង​មាន​ឆ្នូត ៤-៦ សម្បុរ​ត្នោត​ចាស់​ចាប់​ផ្តើមចេញ​ពីលើ​ក្បាល និង​ផ្នែក​ខាងក្រោយ​នៃ​ក​រហូតដល់​ស្មា​។ ផ្នែក​ចំហៀង និង​ជើង​ទាំង​៤​មាន​ដុំ​អុចៗ​ក្រ​ម៉ៅ​ចាស់​ក្នុង​ទំហំ និង​រាង​ខុសៗ​គ្នា​។​កន្ទុយ​មាន​លាយ​របាយ​ពណ៌​ខ្មៅ​អុចៗ​ក្នុង​ទំហំ​ខុសៗ​គ្នា​ចាប់ពី​គល់​កន្ទុយ​រហូតដល់​ចុង​។ ផ្នែក​ខាងក្រោយ និង​ក្រោម​ភ្នែកមាន​ឆ្នូត​ក្រ​ម៉ៅ ខ័​ណ្ឌ​ចែក​ដោយ​បន្ទះ​ពណ៌​ស​។ ​ជីវសាស្ត្រ​៖ ឆ្មា​ដាវ​រស់នៅ​ក្នុងព្រៃ​ស្ទើរ​គ្រប់​ប្រភេទ ព្រមទាំង​ព្រៃដាំ​។ វា​មិន​កាច​សាហាវ​ចំពោះ​មនុស្ស​ទេ ហើយ​ជារឿយៗ គេ​អាច​ជួបប្រទះ​វា​នៅក្បែរៗ​ភូមិ​។ អាហារ​របស់​វា​មាន បក្សី សត្វ​កកេរ ត្រកួត អ​ន្ស​ង ក្តាន់​ញ៉ែង​ជាដើម​។ វា​អាច​ចាប់​ចំណី​បាន​ដោយសារ​ការ​លោត​ចុះ​សង្គ្រប់​ពីលើ​ដើមឈើ​ទៅលើ​ចំណី​របស់​វា​។ វា​ជាស​ត្វ​ពូកែ​ហែល​ទឹក​ណាស់​។ វា​អាច​បន្ត​ពូជ​បាន​ពេញ​មួយឆ្នាំ រយៈពេល​ពពោះ​ពី ៦៥-៧២​ថ្ងៃ អាចមាន​កូន​ម្តង​ពី ១-៤​ក្បាល​។ កូន​របស់​វា​អាច​បើកភ្នែក​បាន​ក្នុង​រយៈពេល​ប្រហែល ១០​ថ្ងៃ ក្រោយពេល​កើត​។ កូន​របស់​វា​អាច​បន្ត​ពួជ​បាន​នៅ​អាយុ ១៨​ខែ និង​អាចរ​ស់បាន​ពី ១២-១៣​ឆ្នាំ​។​

រប៉ាយ​រស់នៅ​៖ ឆ្មា​ដាវ​មាននៅ​ភាគ​ឦសាន និង​និរតី​នៃ​ប្រទេស​កម្ពុជា​។ គេ​បាន​រកឃើញ​ផងដែរ​នៅ​ប្រទេស​នេ​ប៉ាល់ ឥណ្ឌា (​ភាគ​ខាងជើង​) រហូតដល់​ភាគ​ខាងកើត​ប្រទេស​ចិន តំបន់​ស៊ី​បេ​រី និង​អាស៊ីអាគ្នេយ៍ រូ​ម​ទាំង​កោះ​ស៊ូ​ម៉ា​ត្រា ចា​វា និង​បរ​ណេ​អូ​។ 

​ស្ថានភាព​អភិរក្ស​៖ ឆ្មា​ដាវ​ស្ថិតក្នុង​ក្រុម​ប្រភេទ​មាន​ដោយ​បង្គួរ និង​មាន​ចុះ​ក្នុង​បញ្ជី​ក្រហម IUCN ថា​ជា​ប្រភេទ​រងគ្រោះថ្នាក់​តិចតួច (LC)​។ ឆ្មា​ដាវ​កំពុង​រងគ្រោះថ្នាក់​ដោយសា​រ​ការខ្វះ​ចំណី​ការ​ទាក់​ចាប់ និង​ស្ថានភាព​បំផ្លាញ​ទីជម្រក​ដែល​វា​ធ្លាប់​រស់នៅ និង​ស្វែងរក​ចំណី​។ ​