ឆ្លក

ពីWiktionary

( កិ. ) លក​ពោះ​ផ្ដៅ​ឬ​លក​ឈើ លក​ឫស្សី យក​សាច់​ខ្លះ : ឆ្លក​កុំ​ឲ្យ​វៀច​អ្ហឺ !

( គុ. ) ដែល​មាន​ពណ៌​ដិត​មិន​ស្មើ សំពត់​ឆ្លក ។

( ន. ) សត្វ​មួយ​ប្រភេទ​ពួក​ស្ការ, ពួក​កំពីង​ដូង ។ Share on twitterShare on google_plusone_shareMore Sharing Services 0

  Print រូបភាព


ភិនភាគ៖ ឆ្លក​មាន​រាង​តូច​ដែលមាន​ប្រវែង​ក្បាល-ដងខ្លួន​ពី ៣៣-៤៣ស.ម កន្ទុយ​សំពោង​ប្រវែង​ពី ១៥-២៣ស.ម និង​មាន​ទម្ងន់១-៣គ.ក នៅពេល​ពេញវ័យ​ជើង​របស់​វា​មាន​ភាព​ប្រហាក់ប្រហែល​ប្រភេទ​សត្វ​ជ្រូកពោន។ វា​មាន​ជើង​ខ្លី ក្រ​ញុំ​ាំ​ធំ ក្រចក​វែង​ងាយស្រួល​ក្នុង​ការកាយ​ដី និង​ពូកែ​ឡើងដើមឈើ។ វា​មាន​សម្បុរ​ត្នោត ឬ​ប្រផេះ ដោយមាន​រោមខ្លីៗនៅ​ផ្នែក​ពោះ។ វា​មាន​ក្បាល​ពណ៌​ស មាន​ស្នាម​ពណ៌​ខ្មៅ​ពេញ​ផ្ទៃមុខ​រហូតដល់​ច្រមុះ និង​មាន​ឆ្នូត​ខ្នង​ពណ៌​ស​ចាប់ពី​ក្បាល​រហូតដល់​គល់​កន្ទុយ។ ជីវសាស្ត្រ៖ ឆ្លក​មាន​រស់នៅ​គ្រប់​ប្រភេទ​ព្រៃ​រហូតដល់​វាលស្មៅ។ វា​ជាស​ត្វ​រាត្រីចរ ប៉ុន្តែ​វា​ក៏មាន​សកម្មភាព​ពេល​ថ្ងៃ​ផងដែរ ក្នុង​រយៈពេល​មិន​លើសពី ២-៣ម៉ោង។ ប្រភេទ​នេះ​ភាគច្រើន​ដេក​ពេល​ថ្ងៃ​នៅតាម​រូងចាស់។ ភាគច្រើន​វា​រស់នៅ​លើដី ហើយ​ពេលខ្លះ​វា​នៅលើ​ដើមឈើ​ផងដែរ​ក្នុងពេល​រក​ចំណី។ ចំណី​របស់​វា​រួមមាន សត្វល្អិត ខ្យង​ក្តក់ កណ្តូប ជន្លេន ចង្រឹត កង្កែប គីង្គក់ ថ្លែន បង្គួ​យ សត្វ​ស្លាប ផ្លែឈើ។

រប៉ាយ​រស់នៅ៖ ឆ្លក​មាននៅ​កម្ពុជា​ក្នុង​ទីជម្រក​សមស្រប និង​មាន​វត្តមាន​ផងដែរ​នៅ​អាស៊ីអាគ្នេយ៍ ប្រទេស​នេ​ប៉ាល់ ឥណ្ឌា​ភាគខាងត្បូង ភូមា ចិន វៀតណាម និង​ថៃ។

ស្ថានភាព​អភិរក្ស៖ ឆ្លក​ស្ថិតក្នុង​ក្រុម​ប្រភេទ​មាន​ដោយ​បង្គួរ និង​មាន​ចុះ​ក្នុង​បញ្ជី​ក្រហម IUCN (LR/LC) ជា​ប្រភេទ​រងគ្រោះថ្នាក់​តិចតួច។ ប្រភេទ​នេះ​កំពុង​រងគ្រោះ ដោយសារ​ការ​ទាក់​ចាប់ និង​ការ​ទន្ទ្រានទី​ជ​ម្រោ​ករប​ស់វា។