ឈើជ័រ
ឈើជ័រ គឺជាឈ្មោះព្រឹក្សមួយប្រភេទ មានកម្ពស់ ចាប់ពី៦ ទៅ១០ម៉ែត្រ ដុះក្នុងព្រៃមាត់សមុទ្រ នៃប្រទេសអាស៊ី។ រុក្ខជាតិនេះ ជាឈើមានសាច់រឹង ធ្ងន់ ពណ៌ក្រហមភាវ មានជាតិល្វីង បើដុតអាចឲ្យក្លិនក្រអូប។ នៅពេលដែលគេកាប់ដើម នឹងកាំបិត គេឃើញជ័រចេញជាច្រើន ធ្វើឲ្យក្រហមពេលប៉ះ ស្បែក ឬភ្នែក។ ប៉ុន្តែពណ៌នេះមានតែក្នុងសំបកប៉ុណ្ណោះ ហេតុនេះ គេបកសំបកចោល មុននឹងកាប់ដើមសម្រាប់សង់ផ្ទះ។ ដោយឡែកស្លឹករុក្ខជាតិនេះ មានសារធាតុពុលតិចៗ អាចប្រើធ្វើឲ្យត្រីសន្លប់ ពេលមុននេសាទ ការធ្វើបែបនេះ ប្រជាកសិករនៅតាមនិគម ជនបទ ចូលចិត្តធ្វើព្រោះមិនសូវចំណាយកម្លាំងច្រើន។ ចំណែកឫសមិនសូវពុលទេ ហើយគ្រាប់អាចយកមកធ្វើជាថ្នាំព្យាបាលជំងឺហើមជើងដៃ៕ ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន