ត្រីមេឃ

ត្រីមេឃ ក្រុងរាពណ៍បានអញ្ធើញយក្សមួយឈ្មោះត្រីមេឃមកជួយធ្វើសង្រ្គាមនិងព្រះរាម។ ត្រីមេឃបានជិះរាជរថចេញទៅច្បាំងនិងព្រះរាម។ ឯព្រះរាម ព្រះលក្ស្មណ៍បានចេញច្បាំងដោយផ្ទាល់ ហើយថ្លែងសរត្រូវយក្សមួយឈ្មោះសត្តាឡុងស្លាប់ភ្លាម។ ត្រីមេឃឃើញដូចនោះក៏រត់គេច ហើយព្រះរាមប្រើហនុមានអោយទៅតាមចាប់។ ត្រីមេឃបានទៅសុំលាក់ខ្លួននិងស្តេចកាលនាគនៅនគរបាតាល តែស្តេចកាលនាគពុំព្រមអោយជ្រក ត្រីមេឃបានរត់ទៅពួននិងបាតសមុទ្រ ហនុមានយកកន្ទុយវាវចាប់បានកាត់ក្បាលយកមកថ្វាយព្រះរាម។ គេសម្គាល់ត្រីមេឃជាយក្សមានសម្បុរដីលែងខ្ចី ពាក់ម្កុដនិងកាន់លំពែង។ រូបនេះបង្ហាញពីត្រីមេឃកំពុងរត់គេច។