ទឹកបាន

ទឹកបាន ៨ គឺ អម្ពបានំ ទឹកបាន (ដែលគេធ្វើដោយ) ផ្លែស្វាយ ១ ជម្ពូបានំ ទឹកបាន ផ្លែព្រីង ១​ បោចបានំ ទឹកបានផ្លែចេកមានគ្រាប់១ មោចបានំ ទឹកបានផ្លែចេកឥតគ្រាប់១ មធុកបានំ ទឹកបានផ្លែស្រគំ១ មុទ្ទិកបានំ ទឹកបានផ្លែចន្ទន៍១ សាលុកបានំ ទឹកបានមើមនៃជលជាតិមានព្រលិតក្រហមជាដើម១ ផារុសកបានំ ទឹកបានផ្លែមាក់ប្រាង១ ។

ទឹកបាន ៨ ដទៃទៀតគឺ កោសម្ពបានំ ទឹកបានផ្លែសង្ឃ័រ១ បោលបានំ ទឹកបានផ្លែពុទ្រាតូច១ ពទរបានំ ទឹកបានផ្លែពុទ្រាធំ១ ឃតបានំ ទឹកបានធ្វើដោយទឹកដោះរាវឬទឹកដោះថ្លា១​ តេលបានំ ទឹកបានធ្វើដោយប្រេងមានប្រេងល្ងជាដើម១ បយោបានំ ទឹកបានធ្វើដោយទឹកដោះស្រស់១ យាគុបានំ ទឹកបានធ្វើដោយបបរ១ រសបានំ ទឹកបានធ្វើដោយរសជាតនៃវត្ថុមានបន្លែជាដើម១ ។

ទឹកបានទាំងនេះ ជាភេសជ្ជយាមកាលិក ភិក្ខុឆាន់ក្នុងវិកាលបាន តែទទួលទុកបានត្រឹម១ថ្ងៃ១យប់ប៉ុណ្ណោះយ៉ាងយូរ បើទុកឲ្យហួសពីកាលកំណត់នេះ ហើយយកមកឆាន់ត្រូវអាបត្តិទុក្កដ ។

ប្រភព ៖ Kambuja_Soriya_1938_Issue_1-3.pdf (page 14 of 202).