ទ្រទូង
( កិ. ) លើកដៃទាំងពីរជ្រោងឡើងលើ : ចូរអ្នកទ្រទូងដៃឡើង ! ។
( ន. ) កម្ពស់ពីចុងជើងដែលឈរត្រង់ដល់ចុងម្រាមដៃដែលលើកជ្រោងឡើងលើ : ទឹកជ្រៅមួយទ្រទូង ។ ចំនួនភិក្ខុសង្ឃ ៨ រូប : និមន្តលោកមួយទ្រទូង...។ ខ្នាតរង្វាស់កម្ពស់ខ្មែរពីបុរាណ ដែលគិតពីចុងជើងជំទើតត្រង់ទៅចុងម្រាមដៃដែលលើកឡើងលើ។ ឧ. ទឹកជម្រៅពីរទ្រទូង។
សមណស័ក្តិទីរាជាគណៈដែលព្រះមហាក្សត្រទ្រង់ប្រោសព្រះរាជទានតាំង តាមលំដាប់ថ្នាក់មាន ៤ ជាន់គឺ សម្រាប់ឯក, ទោ, ត្រី, ចត្វា ឬរាប់ពីថ្នាក់ក្រោមមុនថា ចត្វា, ត្រី, ទោ, ឯក ក៏បាន; កាលពីក្នុងបុរាណសម័យយូរហើយ ទ្រទូងសម្រាប់ ឯក ហៅថា ទ្រទូងរ័ត្ន, តែសម័យសព្វថ្ងៃនេះហៅថា រាជាគណៈ ដូចគ្នាទាំង ៤ សម្រាប់ ។