នាយក​ធម៌

ពីWiktionary

--យៈកៈធ័រ បា. សំ. ( ន. ) ធម៌​របស់​នាយក, ធម៌​សម្រាប់​ជន​អ្នក​ដឹក​នាំ​ឬ​អ្នក​ត្រួតត្រា​អ្នក​ដទៃ : បុគ្គល​ជា​បព្វជិត​ក្ដី គ្រហស្ថ​ក្ដី ដែល​ធ្វើ​ជា​ប្រធាន​ត្រួតត្រា​លើ​អ្នក​ដទៃ គប្បី​មាន​នាយក​ធម៌ ៦ យ៉ាង ប្រចាំ​នៅ​ក្នុង​សន្ដាន​ជា​និច្ច គឺ ១-ខមា សេចក្ដី​អត់ធន់; ២-ជា​គរិយៈ សេចក្ដី​ភ្ញាក់​រលឹក​រឿយ​ៗ; ៣-ឧដ្ឋានៈ សេចក្ដី​ឧស្សាហ៍​ខ្នះខ្នែង; ៤-សំវិភាគៈ ការ​ចែក​រលែក​ឬ​ការ​រំលែក​ឲ្យ​នូវ​វត្ថុ​ផ្សេង​ៗ; ៥-ទយា សេចក្ដី​អាណិត​អាសូរ​ត្រា​ប្រណី​គេ; ៦-ឥក្ខណា ការ​រំពៃ​មើល​ខុស​ត្រូវ ។ (ព. កា.) រី​នាយក​ធម៌ ដ៏​បវរ​ទាំង​ប្រាំ​មួយ នេះ​ឯង​តែង​លើក​ស្ទួយ ឲ្យ​នាយក​មាន​តម្លៃ ។