ន័យករ

(ភាសាវិទ្យា) signifier, signifiant ពាក្យនេះត្រូវបានពន្យល់ខាងលើត្រួសៗមកហើយ គឺជាទម្រសូរដែលយើងស្ដាប់ឮកាលណាសូរសព្ទភាសាត្រូវបានបន្លឺឡើង ប៉ុន្តែ គប្បីយើងបញ្ជាក់បន្ថែមថា តាមលោក Saussure ន័យករ មិនមែនជាសូរនិច្ចល (inerte) ដូចសូរធម្មតាទេ : ន័យករ ហាក់ដូចជាមានចរន្តអ្វីមួយមកដាស់សតិអារម្មណ៍យើងកាលណាយើងរៀបប្រើ ឬ កាលណាយើងស្ដាប់យើងស្ដាប់ឮសូរសព្ទភាសាណាមួយ ពីព្រោះ ន័យករ នៃសូរសព្ទភាសានីមួយៗ តែងតែដិតដោយអនុស្សាវរីយ៍ និង connotation ជានិច្ច។ ដំបូងឡើយ ទំនាក់ទំនងរវាងន័យករ និង ន័យបញ្ញត្តិ ជាជម្រើសសេរី : គេអាចយកន័យករ ណាមួយទៅសម្គាល់ន័យបញ្ញត្តិ ណាមួយក៏បានដែរ (លើកលែងតែចំពោះ ន័យបញ្ញត្តិ នៃសូរសព្ទភាសាណាដែលជាប់ផៅសន្តានជាមួយនឹងសូរសព្ទភាសាឯទៀតរួចទៅហើយ)។