បង្កាន់ដៃ
( ន. ) ប្រដាប់មានសណ្ឋានជាស្នួ ជារបាំងសម្រាប់ចាប់កាន់នឹងដៃ ដើម្បីនឹងអបអងទប់ខ្លួនកុំឲ្យភ្លាត់ជើង, កុំឲ្យដួល, កុំឲ្យធ្លាក់ឬកុំឲ្យស្ញើបញញើត : បង្កាន់ដៃស្ពាន ។ សំបុត្រសាដានសម្គាល់ជាភ័ស្តុតាង ឲ្យដឹងថាបានទទួលប្រាក់ឬរបស់អ្វីនីមួយហើយ : បានចេញបង្កាន់ដៃឲ្យហើយ ។ បង្កាន់ដៃក្លែង បង្កាន់ដៃដែលបានចេញឲ្យដោយក្លែងបន្លំខុសច្បាប់ ។ បង្កាន់ដៃព្រៃ លិខិតបណ្ដោះអាសន្នដែលចេញឲ្យជាជំនួសបង្កាន់ដៃទៅសិន ហើយនឹងបញ្ចេញបង្កាន់ដៃត្រឹមត្រូវឲ្យជាខាងក្រោយ ហៅ បង្កាន់ដៃបណ្ដោះអាសន្ន ក៏បាន ។