បរិការណ៍
ព្រឹត្តិការណ៍ទាំងឡាយដែលកើតមុននិងក្រោយព្រឹត្តិការណ៍ណាមួយ
- context, contexte ការណ៍ទាំងឡាយដែលកើតមុននិងក្រោយព្រឹត្តិការណ៍មួយ។ ពាក្យនេះប្រើខុសពីបរិបទដែលសំដៅដល់ខ្លឹមសារណាមួយដែលត្រូវលើកឡើងនូវពីមុខ ឬ ពីក្រោយសេចក្ដីមួយ។
- ក្នុងន័យសេដ្ឋកិច្ច <<បរិការណ៍>> ប្រើសំដៅបង្ហាញការណ៍ណាមួយ ដែលកើតឡើងនៅជុំវិញព្រឹត្តិការណ៍មួយ។ ឧ. ក្នុងស្មារតីនេះ កម្មវិធីនយោបាយរបស់រាជរដ្ឋាភិបាលកម្ពុជាសម្រាប់នីតិកាលទី៤ នៃរដ្ឋសភាត្រូវបានរៀបចំឡើងនៅលើមូលដ្ឋានសំខាន់ៗ ដូចតទៅ៖ ការវាយតម្លៃដកពិសោធន៍លើការអនុវត្តនៅក្នុងនីតិកាលទី៣កន្លងមក និង ការវាយតម្លៃលើបរិការណ៍ និង បញ្ហាប្រឈមទាំងឡាយ ទាំងក្នុងកម្រិតជាតិ ទាំងក្នុងកម្រិតអន្តរជាតិ ទាំងក្នុងពេលបច្ចុប្បន្ន ទាំងក្នុងរយៈពេលមធ្យម (ខាងមុខ)។
- ដោយឡែក <<បរិបទ>> ប្រើយោងទៅតាមសេចក្ដីណាមួយ។ ឧ.: តាមរយៈរបៀបវារៈនៃអង្គសន្និសីទ ក្រសួងឧស្សាហកម្ម រ៉ែ និង ថាមពលនឹងធ្វើបទបង្ហាញអំពីបរិបទ និង ស្ថានភាពវិស័យរ៉ែនៅកម្ពុជា ជូនអង្គសន្និសីទទាំងមូលឱ្យកាន់តែជ្រាបច្បាស់ថែមទៀត អំពីច្បាប់ លិខិតបទដ្ឋាន និងស្ថានភាពនៃការគ្រប់គ្រង និង ការអភិវឌ្ឍរ៉ែនៅកម្ពុជា។