បុគ្គលនិយម

(លទ្ធិ, ទស្សនវិជ្ជា) personalism, personnalisme លទ្ធិមួយដែលផ្ដោតការយកចិត្តទុកដាក់ទៅលើតថភាពរបស់ពិភពលោកហើយអត្ថន័យនៃពាក្យ <បុគ្គលភាពនិយម> មានន័យជាច្រើនដូចខាងក្រោម៖ ១-លទ្ធិមួយដែលអះអាងថា តថភាពដាច់ខាតរបស់ពិភពលោក គឺទេវបុគ្គលដែលជាអ្នកទ្រទ្រង់ចក្រវាលដោយអំពើជាបន្តបន្ទាប់នៃឆន្ទៈបង្កើតរបស់អាទិទេព។ ២-លោក Edgar Sheffield Brightman ដែលជាអ្នកបុគ្គលភាពនិយមសហសម័យដ៏ឆ្នើមម្នាក់ថា <<បុគ្គលភាពនិយមគឺជាប្រព័ន្ធទស្សនវិជ្ជាមួយដែលចាត់ទុកបុគ្គលភាពរបស់មនុស្សថា ជាតថភាពអស្តិរូបវិជ្ជាតែមួយគត់ (ឬសំខាន់បំផុត) ព្រមទាំងមានតម្លៃខ្ពង់ខ្ពស់ពិតប្រាកដ>>។ ៣-លោក Copleston ឱ្យនិយមន័យ<<បុគ្គលភាពនិយម>> ថា ជាទស្សនវិជ្ជាមួយដែលមានជំនឿជាមូលដ្ឋានថាតថភាពគឺជាប្រព័ន្ធនៃបុគ្គលភាពដែលជាធាតុមិនអាចបំបែកបាននៃអត្ថិភាពទាំងអស់។ ឧ. ទស្សនៈថា តថភាពមានលក្ខណៈរូបី និងដោយឡែក មានលក្ខណៈបុគ្គលភាពនិយម។