បុញ្ញកាយ

នាងបុញ្ញកាយជាកូនពិភេក, ក្រុងរាពណ៍ប្រើនាងបុញ្ញកាយក្លែងធ្វើជាខ្មោចសីតាអណ្តែតទឹកទៅជិតអាស្រមព្រះរាម។ ដោយស្មានថាជាខ្មោចនាងសីតា ព្រះរាម ព្រះលក្ម្សណ៍និងពលសេនាទាំងអស់នាំគ្នាយំ តែហនុមានសង្ស័យក៏យកខ្មោចនោះទៅបូជាសាកល្បង។ ពេលភ្លើងឆេះខ្លាំង នាងបុញ្ញកាយក៏ស្ទុះហោះឡើងតាមផ្សែង។ ហនុមានចាប់បាននាំយកទៅថ្វាយព្រះរាម ដោយនាងជាកូនរបស់ពិភេកក៏ដោះលែងហើយអោយហនុមានជូនត្រលប់ទៅកាន់នគរលង្កាវិញ។ទៅតាមផ្លូវហនុមាននិងនាងបុញ្ញកាយបានស្រលាញ់គ្នាមានផ្ទៃពោះ។ គេគូរនាងបុញ្ញកាយជារូបស្រីដេកស្លាប់ ហើយមានរូបរាងដូចនាងសីតា ក្នុងរូបនេះគឺនាងដេកអណ្តែតលើទឹក។