ប្រតិបត្តិនិយម

(លទ្ធិ ទស្សនវិជ្ជា) pragmatism, pragmatisme ទស្សនវិជ្ជាមួយដែលនិយាយថា អត្ថន័យ តម្លៃនិងសច្ចភាពនៃគំនិត ទ្រឹស្ដី ឬ ជំនឿមួយ ត្រូវបានកំណត់ដោយលទ្ធផលនៃការប្រតិបត្តិជាក់ស្ដែងរបស់វា និង អះអាងថា មុខងាររបស់គំនិត គឺបង្កើតឬដឹកនាំសកម្មភាព។ ឧ. ទ្រឹស្ដីប្រតិបត្តិ និយមបានពន្យល់ថា បើចង់ដឹងថា សីលប្រាំនៅក្នុងព្រះពុទ្ធសាសនាល្អ ឬមិនល្អ យើងត្រូវតែយកវាទៅអនុវត្ត ឬ ប្រតិបត្តិ បន្ទាប់មកពិនិត្យមើលលទ្ធផលរបស់វា។ បើចង់ដឹងថា គោលការណ៍ ទ្រឹស្ដី រូបមន្ត សេចក្ដីសម្រេចចិត្ត ច្បាប់ គំនិត ណាមួយ។ល។ ត្រូវឬខុស ត្រូវតែយកវាទៅអនុវត្តបន្ទាប់មកត្រូវពិនិត្យមើលផលប៉ះពាល់ឬលទ្ធរបស់វា។ បើលទ្ធផលល្អភាគច្រើន នោះវាពិតជាត្រឹមត្រូវប៉ុន្តែប្រសិនបើលទ្ធផលភាគច្រើនមិនល្អនោះ វាពិតជាមិនត្រឹមត្រូវទេ។