ប្រលោមរស

(អក្សរសិល្ប៍) romantic, romantique តម្លៃដែលមាននៅក្នុងអត្ថបទអក្សរសិល្ប៍ ដោយកវី អ្នកនិពន្ធ ពិសេសអ្នកនិពន្ធប្រលោមលោក ចេះរៀបរៀង តុបតែងរឿងរបស់ខ្លួនតាមរយៈការបង្កើតដំណើររឿង សកម្មភាពនៃតួអង្គឱ្យមានស្នេហា ការផ្សងព្រេង... ប្រកបដោយលក្ខណៈអណ្ដែតអណ្ដូង សោកសង្រេង សប្បាយ កម្សត់... ធ្វើឱ្យអ្នកអាន អ្នកស្ដាប់ មានអារម្មណ៍រំភើប សង្វេគ សប្បាយ ព្រួយជាមួយតួអង្គនិងដំណើររឿង។ ឧ.: នៅក្នុងរឿងទុំទាវ [...] ឱ! ទាវអើយទៅពីព្រោះម្ដាយ មិនដឹងប្រែក្លាយមានប្រើស្នៀត ទាវអើយទុក្ខទុំធំចង្អៀត ស្ពាត់ស្ពៀតដូចភ្នំរលំលើ។ ទាវអើយទាវស្រីប្រណីបង មែនពិតជាម្ដងទើបហ៊ានធ្វើ អក្ខរីទាវស្រីប្អូនចាត់ប្រើ ដំណឹងដំណើរឱ្យឆាប់ដល់។ ប្អូនអើយទុក្ខបងម្ដងហ្នឹងធ្ងន់ ពេញពៀបទូរន់សូន្យស្រងល់ ស្រងាត់ដូចហាក់អកុសល ខ្វាយខ្វល់ឡឺនឡង់អង្គរាយមាយ។ ទាវអើយប្រសិនខ្លួនបានគេ បងនៅទទេមិនឈប់ងាយ ស៊ូបង់ជីវិតដូចសឹកនាយ ស្លាប់ក្នុងបន្ទាយចំណោមធំ។ [...] ឧ.: នៅក្នុងរឿងផ្កាស្រពោន ការធ្វើដំណើរតាមរថភ្លើងរបស់ប៊ុនធឿនទៅស្រុកកំណើតដ៏កណ្ដោចកណ្ដែងម្នាក់ឯងក្នុងចំណោមមិត្តភក្ដិដ៏សប្បាយ។ [...] ពួកសិស្សវិទ្យាល័យ ... យោលរិតតែញឹកញាប់ឡើង ^២៣។ [...]