ពាលី

សំ. ( ន. ) (ពាលិ ឬ វាលិ) ឈ្មោះ​ស្ដេច​ស្វា​មួយ​ក្នុង​រឿង​រាម​កេរ្តិ៍ ។ ពាលីជាស្តេចស្វានៃនគរខះខឹមបុរី រីឯទូភីជាក្របីខ្លាំងពូកែ។ នៅថ្ងៃមួយទូភីបានចូលឈ្លានពានសួនពាលី ក៏កើតជាច្បាំងគ្នាអស់រយៈពេលប្រាំពីរយប់ ប្រាំពីរថ្ងៃមិនឈ្នេះមិនចាញ់។ អ្នកទាំងពីរក៏នាំគ្នាទៅច្បាំងក្នុងគុហាមួយ មុននិងចូលទៅច្បាំងនោះ ពាលីផ្តាំសុគ្រីពជាប្អូននៅចាំមាត់គុហារថា បើឃើញឈាមក្រហមគឺជាឈាមរបស់ខ្លួន ត្រូវខ្ទប់ទ្វា បើឃើញឈាមខ្មៅនោះគឺជាឈាមក្របី ត្រូវបើកទ្វារ។ ពាលីសម្លាប់ទូភីបាន តែវេលានោះជួនជាមានភ្លៀងខ្លាំង ទឹកភ្លៀងធ្វើអោយឈាមមានពណ៌ក្រហម។ សុគ្រីពស្មានថាជាឈាមរបស់ពាលីក៏ខ្ទប់ទ្វារគុហារ។ ឯពាលីចេញមិនរួចក៏កាត់ក្បាលទូភីចោលទម្លាយទ្វារគុហារចេញមក ហើយខឹងនិងសុគ្រីពក៏ជេរវាយបណ្តេញចេញ។ គេសម្គាល់ពាលីមានសម្បុរបៃតងខ្ចីកាត់បៃតងចាស់ ពាក់ម្កុដនាយរោង ឯទូភីគេគូរជាសត្វក្របីសម្បុរខៀវ។ ក្នុងរូបនេះពាលីកំពុងលោតហក់សម្តែងឬកក្អេងក្អាង រីឯក្របីទូភីបញ្ចេញកម្លាំងចូលប្រយុទ្ធ។