ពិធីសារ

(ការទូត, ច្បាប់) protocol, protocole ឯកសារដែលមានតម្លៃស្មើកិច្ចព្រមព្រៀង តែពិធីសារនេះមានលក្ខណៈផ្លូវការតិចជាងកិច្ចព្រមព្រៀង។ ពិធីសារមានឋាននុក្រមដូចតទៅ: -ពិធីសារចុះហត្ថលេខាគឺជាឯកសារបន្ទាប់បន្សំរបស់សន្ធិសញ្ញា។ ពិធីសារនេះសម្រាប់ដោះស្រាយបញ្ហាបន្ទាប់បន្សំនានា ដូចជាការបកស្រាយ "ខ" ពិសេសនានារបស់សន្ធិសញ្ញាដោយ "ខ" ទាំងនេះមិនមានបញ្ចូលក្នុងសន្ធិសញ្ញាឬបទបញ្ញត្តិនៃបញ្ហាបច្ចេកទេសជាដើម, ឧ. ពិធីសារស្ដីពីឋានៈរបស់ជនភៀសខ្លួន ឆ្នាំ១៩៦៦។ - ពិធីសារជម្រើស ជាឯកសារដែលត្រូវបានអនុម័តក្នុងថ្ងៃតែមួយជាមួយនឹងសន្ធិសញ្ញា។ ពិធីសារនេះផ្ដល់ឱ្យភាគីទាំងឡាយដែលបានចុះសន្ធិសញ្ញាជាមួយគ្នា បង្កើតនូវលទ្ធភាពរចនាសម្ព័ន្ធនៃកាតព្វកិច្ចរវាងគ្នា បន្ថែមលើកាតព្វកិច្ចដែលមានក្នុងសន្ធិសញ្ញា, ឧ. ពិធីសារឆ្នាំ១៩៥៣ ស្ដីពីការកែប្រែអនុសញ្ញាទាសភាព ឆ្នាំ១៩២៦។ -ពិធីសារធ្វើវិសោធនកម្ម គឺជាឯកសារមួយដែលចែងអំពីបទបញ្ញត្តិទាក់ទងនឹងវិសោធនកម្មលើចំណុចណាមួយ ឬ ចំណុចមួយចំនួន នៃសន្ធិសញ្ញាដើម, ឧ. ពិធីសារជម្រើសនៃទីក្រុងវីយែន ឆ្នាំ១៩៦១ ស្ដីពីទំនាក់ទំនងការទូតដែលផ្ដោតទៅលើការដោះស្រាយជម្លោះដោយបង្ខំ។