រដ្ឋវាសី

(សង្គមវិទ្យា, នរវិទ្យា, ភូមិវិទ្យា) aborigine, aborigène អ្នកស្រុកដើម។ បើអ្នកស្រុកដើមជាភេទស្រីពាក្យនេះត្រូវប្ដូរទៅជា "រដ្ឋវាសិនី" វិញ។ ពាក្យ រដ្ឋវាសី ត្រូវបានបង្កើតឡើងដើម្បីប្រែពាក្យ aborigine ដែលគេបានបង្កើតនៅឆ្នាំ១៤៨៨។ ដំបូងឡើយគេប្រើពាក្យ aborigine នេះសម្រាប់សំគាល់តែជនជាតិដើមដែលមានកំណើតនិងរស់នៅក្នុងប្រទេសអូស្ត្រាលី តាំងពីអំឡុង ៥០០០០ ឆ្នាំមុនមកម៉្លេះ។ ប៉ុន្តែបច្ចុប្បន្ន ពាក្យនេះក៏ត្រូវបានគេប្រើសម្រាប់ហៅចំពោះពួកជនជាតិដើមស្បែកក្រហមនៅក្នុងប្រទេសកាណាដា និង ពួកអេស្គីម៉ូ ផងដែរ។ ឧ. Aboriginal Australia, Aborigène d'Australie។ នៅពេលចក្រភពអង់គ្លេសចូលមកដាក់អាណានិគមឆ្នាំ១៧៨៨ លើទ្វីបនេះ គេឃើញជនជាតិដើមនេះមានភាសាដើមរបស់ខ្លួនប្រមាណជាង២០០ឯណោះ។