រឹប
( កិ. ) ទាញសំរុកឲ្យចូលទៅមុខឬឲ្យថយក្រោយ : រឹបទូកចូល ។ អូសយកទ្រព្យសម្បត្តិរបស់អ្នកដែលមានទោស ដាក់ជារបស់រាជការ តាមលក្ខណៈច្បាប់បញ្ញត្ត : មានទោសត្រូវរឹប (ស. រិប) ។ រឹបជាន់ សង្កត់សង្កិនជិះជាន់យកទ្រព្យសម្បត្តិឥតមានត្រាប្រណី ដាក់ជារបស់រាជការឬយកជាប្រយោជន៍ផ្ទាល់ខ្លួន ដោយអាងអាជ្ញាសឹកជាអំណាច ។ រឹបអូស រឹបដោយអូសយករបស់ទ្រព្យតាមអំណាចច្បាប់ (ចំពោះតែច្បាប់បើកអំណាចឲ្យ) ។ (ម. ព. របឹប ផង) ។