លុះ
( កិ. ) ចុះ, ចុះចូល, នៅក្នុងអំណាច : លុះក្នុងអំណាចគេ, លុះក្នុងកណ្តាប់ដៃសត្រូវ ។ សម្រេច, ត្រាស់ដឹង : បានលុះមគ្គផល ។ គុ. ដែលហ៊ាន, អង់អាច, ហ៊ានប្រថុយ, រលុះរលាញ, មិនរួញរា : ចិត្តលុះ; មនុស្សនុ៎ះលុះណាស់ យើងមិនលុះដូចគេទេ ។
( និ. ) ដល់; កាល, កាលដែល; ពាក្យសម្រាប់និយាយបន្តសង្កាត់សេចក្ដីប្រាប់ដំណើរ ដែលដាច់ស្រឡះដោយឡែក : លុះអាយុ ២០ ឆ្នាំ ... ; លុះខ្លួនធំហើយ ... ; លុះបរិភោគអាហាររួចហើយ ... ។ លុះដល់ ដរាបដល់, ត្រាតែដល់; កាលដែលដល់; លុះដល់វេលាអធ្រាត្រ ... ។ លុះណាតែ កាលណាបើ, ទាល់តែ : លុះណាតែគេឲ្យទើបខ្ញុំហ៊ានយក ។ លុះតែ ទាល់តែ, ត្រាតែ : លុះតែឲ្យប្រាក់ដល់ដៃ ទើបគេលក់ឲ្យ ។