Jump to content
- ( ន. ) ឈ្មោះបក្សីតូចមួយប្រភេទ ពួកទ្រមាក់ខ្លា ប៉ុន្តែមាត្រធំជាង កន្ទុយវែងជាងទ្រមាក់ខ្លា សម្បុរខ្មៅ មានលាយសបន្តិចត្រង់ស្លាបចំអេងខាងពោះស, ជាសត្វប៉ប៉ាច់ប៉ប៉ោចមិនសូវឈប់មាត់ ។ ព. ប្រ. មនុស្សល្វាចេក មនុស្សដែលនិយាយប៉ប៉ាច់ប៉ប៉ោចមិនសូវស្រាក ។ ល្វាចេក គឺជាឈ្មោះបក្សីតូចមួយប្រភេទ ពួកទ្រមាក់ខ្លា ប៉ុន្តែមាត្រធំជាង កន្ទុយវែងជាងទ្រមាក់ខ្លា ដែលបក្សីឈ្មោល មានខ្នង ក្បាល និងទ្រូង ពណ៌ខ្មៅរលោង ពោះស ឆ្នូតទទឹងស្លាប និងកន្ទុយឆ្លាស់ក្រៅ មានពណ៌ស។ ចំណែកបក្សីញីវិញ មានក្បាល ខ្នង ទ្រូងពណ៌ប្រផេះចាស់។ ល្វាចេក ក៏ជាប្រភេទបក្សីប៉ប៉ាច់ប៉ប៉ោចមិនសូវឈប់មាត់ និងមានសំឡេងពិរោះរណ្ដំដូចភ្លេង។ ជាទូទៅបក្សីនេះច្រើនរស់នៅតាមសួនច្បារ ដើមឈើក្នុងទីក្រុង ដំណាំកសិកម្ម ព្រៃកោងកាង ហើយមានមានរបាយរស់នៅគ្របទីកន្លែង ព្រមទាំងបង្ហាញវត្តមានពេញមួយឆ្នាំ។ បន្ថែមពីនេះ ល្វាចេក ធ្វើការបន្តពូជ ចាប់ពីខែមករា ដល់ខែកញ្ញា៕
- ឈ្មោះបទភ្លេងខ្មែរមួយមេ បន្លឺសូរសព្ទញាប់រន្ថាន់ ដោយធៀបនឹងសត្វល្វាចេក ប៉ប៉ាច់ប៉ប៉ោច : ភ្លេង ឬ បទល្វាចេក ។
