វាស
( កិ. ) ធ្វើឲ្យមានលំនាំ, ឲ្យមានរាង, ឲ្យមានទ្រង់, ឲ្យមានបែប; គូសឬគូសព្រាង : វាសក្បាច់, គូរវាស, វាសវង់ ។ លើកដៃឬជើងផាត់ចេញឬចូល : វាសដៃ, វាសជើង ។ វាសគំនិត បញ្ចេញគំនិតឲ្យមានទំនងលំអានទុកជាមុន ។ វាសវាង និយាយបញ្ឆិតបញ្ឆៀងពង្វាងនាយអាយ : និយាយវាសវាង, បញ្ចៀសវាសវាង, សម្តីវាសវាង ។ វាសសម្តី បញ្ចេញសម្តីវាសយកផ្លូវយកដំណើរ, និយាយយកកម្ពស់ : វាសសម្តីឡើងខ្ពស់ដូចមេឃ ។ វាសឡើង តាំងផ្តើមនិយាយឡើង : វាសឡើងយកត្រូវតែខាងខ្លួន ។ល។