សង្គហៈ
សង់គៈហៈ បា.; សំ. ( ន. ) (សង្គហ; សំគ្រហ) សេចក្ដីឬការសង្រ្គោះ; ការកាន់យកឬស្រង់សេចក្ដីយកដោយសង្ខេប ។ សង្គហកម្ម ការធ្វើសេចក្ដីសង្រ្គោះ ។ សង្គហការណ៍ ហេតុឬដំណើរនៃសេចក្ដីសង្រ្គោះ ។ សង្គហធម៌ ធម៌សង្រ្គោះ, ធម៌សម្រាប់សង្រ្គោះគ្នា ។ សង្គហភាព ភាពនៃសេចក្ដីសង្រ្គោះ ។ សង្គហវត្ថុ ទីតាំងឬអង្គនៃសេចក្ដីសង្រ្គោះ, មាន ៤ ប្រភេទគឺ ការឲ្យទេយ្យវត្ថុ, ការពោលវាចាគួរឲ្យចង់ឮចង់ស្ដាប់, ការប្រព្រឹត្តអំពើជាប្រយោជន៍ដល់គ្នា, ការតាំងខ្លួនស្មើៗ (ម. ព. រាជ ផង) ។ល។