សម្បទាន
ស័ម-ប៉ៈ-- បា.; សំ. ( ន. ) (សំប្រទាន ឬ សម្រ្បទាន) ការប្រគល់ឲ្យ, ការឲ្យដល់ដៃ; ការឲ្យដាច់; ការទទួលអំណោយ : ដីសម្បទាន, ទ្រព្យសម្បទាន ដី, ទ្រព្យដែលឲ្យដាច់ ។ ឈ្មោះវិភត្តិនាមលំដាប់ទី ៤ ដែលហៅថា ចតុត្ថីវិភត្តិ, ប្រាប់សេចក្ដីទទួល..., សម្រាប់ប្រើក្នុងភាសាសំស្រ្កឹតនិងបាលី ប្រើពាក្យអាយតនិបាតថា ដល់, ដើម្បី, បម្រុង, ចំពោះ, នឹង (ព. វ.) ។ សម្បទានសាធន ឬ --សាធនៈ (ស័ម-ប៉ៈទានៈសាធៈ នៈ) សាធនៈប្រាប់សេចក្ដីទទួលអំណោយ (ចតុត្ថីវិភត្តិស្ទុះចេញជាអញ្ញបទ), ប្រើក្នុងភាសាសំស្រ្កឹតនិងបាលី (ព. វ.) ។