សាម្រាជ្យគុប្ត

1. (ប្រវត្តិសាស្ត្រ) ចក្រភពគុប្តៈ Gupta empire, Empire de Gupta រដ្ឋដែលមានអត្ថិភាពពីឆ្នាំ៣២០ រហូតដល់ ឆ្នាំ៥៥០ នៃគ.ស. បង្កើតឡើងដោយមហារាជឝ្រីគុប្ត។ ចក្រភពនេះមានផ្ទៃដីទំហំ ៣៥០០០០០គ.ម.២។ អតីតចក្រភពនេះសព្វថ្ងៃគឺជាផ្នែកខ្លះនៃប្រទេសឥណ្ដា ប៉ាគីស្ថាន បង់ក្លាដែស និង នេបាល។ ចក្រភពនេះបានរីកចម្រើនដល់កំពូល ដែលកត់សំគាល់ដោយការបង្កើត និង រកឃើញផ្នែកវិទ្យាសាស្ត្រ បច្ចេកវិទ្យា វិស្វកម្ម សិល្បៈ អក្សរសាស្ត្រ តក្កវិជ្ជា គណិតវិទ្យា តារាសាស្ត្រ សាសនា និង ទស្សនវិជ្ជា។ រាជធានីនៃចក្រភពនេះគឺ (បាតាលីបុត្រ) ប៉ាតាលីពូត្រា។ ពួកគេគោរពសាសនាហិណ្ឌូ សាសនាព្រះពុទ្ធ និងប្រើភាសាសំស្ក្រឹត (Sanskrit) និង ប្រាក្រឹត (Prakrit)។