សារិកាក្របី

ពីWiktionary
Jump to navigation Jump to search

សារិកាកែវ​ក្របី ឬ​រីក​ក្របី គឺជា​ឈ្មោះ​បក្សី​មួយ​ប្រភេទ មាន​ចំពុះ​ពណ៌​លឿង មាន​កំប៉ោយ​មួយ​កញ្ចុំ ភ្នែក​ក្រហម ខ្លួន​មាន​ពណ៌​ខ្មៅ ស្រអាប់ និង​គូថ​ពណ៌​ស​។ សារិកាកែវ មួយ​ប្រភេទ​នេះ មាន​ដៅ​ស​មួយ​នៅ​កញ្ចុំ​លើ​ស្លាប និង​ចុងកន្ទុយ​ជ្រលក់​ស​។ សារិកាកែវ​ក្របី ឬ​រីក​ក្របី​នេះ មាន​សំឡេង​ស្រដៀង​សារិកាកែវ​គោ​ដែរ ប៉ុន្តែ​ត្រូវ​ប​ន្ដែ​សូរ ឈូរ ឈូរ បន្ទាប់មក​ស្រែក កា​កា​។ បក្សី​មួយ​ប្រភេទ​ច្រើន​រស់នៅ​តាម​តំបន់​វាល ដំណាំ​កសិកម្ម វាលស្រែ និង​ទីប្រជុំជន​។ បក្សី​នេះ ជា​បក្សី​រកស៊ី​ជា​ហ្វូង និង​បង្ហាញខ្លួន​ពេញ​មួយឆ្នាំ និង​សម្បូរ​គ្រប់​ទីកន្លែង និង​ធ្វើ​ការបន្ត​ពូជ​ចាប់ពី​ខែមេសា ដល់​ខែសីហា​។