សុគ្រីព
សំ.; បា. ( ន. ) (សុគ្រីវ គុ. “ដែលមានកល្អ, មានកមាំ”; សុគ្គីវ) ឈ្មោះស្ដេចពានរមួយ ជាប្អូនបង្កើតនៃពាលី, ជាសេនារបស់ព្រះរាម (ក្នុងរឿងរាមកេរ្តិ៍ ) ។ សុគ្រីព ជាប្អូនរបស់ពាលី ក្រោយពីអ្នកទាំងពីរឈ្លោះគ្នាមក សុគ្រីពបានចុះចូលទៅធ្វើជាសេនារបស់ព្រះរាម។នៅពេលដែលពាលីស្លាប់ទៅ សុគ្រីពបានឡើងសោយរាជ្យនៅនគរខះខឹមបុរីបន្តពីបងរបស់ខ្លួន ដោយទុកនគរនោះនៅជាចំណុះនិងព្រះរាម។ គេសម្គាល់សុគ្រីពជាស្វាសម្បុរដីលែងពាក់ម្កុងនាយរោង។ ក្នុងរូបនេះសម្តែងពីការចេញប្រយុទ្ធ និងអួតក្អេងក្អាងរបស់សុគ្រីព។