ស៊ង
( ន. ) ទីដែលហ៊ុមព្រួលបញ្ចូលត្រី, បង្ខាំងត្រី : ចាប់ត្រីក្នុងស៊ង ។ ច្រកឬប្រហប់មានសណ្ឋានជាទ្វារជ្រលមឬជ្រៅ : ចូលតាមស៊ង ។
( ន. ) កញ្ចប់ធ្វើដោយស្លឹកចេកស្រស់ជាដើមមានសណ្ឋានជ្រលមមានស្រទាប់ហូតទាញចេញបាន សម្រាប់ដាក់ស្លាបារី : ស៊ងស្លា, មាន២ បែបគឺ ស៊ងតូច ស៊ងដាក់ម្លូបៀកនិងស្លាចំណិត, ថ្នាំឬមានបារីផង ស៊ងធំ ស៊ងដាក់ស្លឹកម្លូព្រមទាំងកំបោរ, ស្លាជ្វា, ស្លា, ថ្នាំ ។ ចួនធ្វើដោយមាស, ប្រាក់, ស្ពាន់ មានសណ្ឋានជ្រលមដែរ តែឥតស្រទាប់ឬថតហូតទេ សម្រាប់ដាក់ម្លូឬបារី : ស៊ងមាស, ស៊ងប្រាក់, ស៊ងស្ពាន់ ។ កញ្ចប់មានសណ្ឋានជ្រលមធ្វើពីស្លឹកចេកស្រស់ឬពីលោហៈ។ ស៊ងធ្វើពីស្លឹកចេកស្រស់ មានស្រទាបហូតចេញមានពីរបែបគឺ ស៊ងតូចប្រើសម្រាប់ដាក់ម្លូបៀក និង ស្លា ចំណិត ថ្នាំជក់ឬបារី រីឯស៊ងធំប្រើសម្រាប់ដាក់ស្លឹកម្លូ ស្លា កំបោរ ស្លាជ្វា ថ្នាំជក់ ជាដើម។ ចំពោះស៊ងធ្វើពីលោហៈ ដូចជា មាស ប្រាក់ ឬ ស្ពាន់ ឥតមានស្រទាប់ហូតបានទេ ហើយ គេប្រើសម្រាប់ដាក់ស្លឹកម្លូ បារី កន្សែងដៃ ជាដើម។ ឧ. យាយៗធ្វើស៊ងដាក់ម្លូ ស្លា ប្រគេនព្រះសង្ឃ។