ហោរ
ហោ ពាក្យឃ្លាតក្ល. មកពី សំ. ( ន. ) (ហោរា) អ្នកចេះហោរាសាស្រ្តឬអ្នកចេះតារាសាស្រ្ត, ហិណ្ឌិក : ក្បួនហោរ, ទំនាយហោរ ។ ព. ទ. បុ. ភូតនៅហោចោរនៅជាង ធម្មតាហោរច្រើនតែភូតកុហកផ្សំខ្លះ, ធម្មតាជាងមាសប្រាក់ ច្រើនតែលបគៃកិបយកមាសប្រាក់ដែលគេយកមកជួលឲ្យធ្វើគ្រឿងមាសប្រាក់ខ្លះ (ប៉ុន្តែបើតាមពិត, មិនមែនសុទ្ធតែដូច្នោះទាំងអស់គ្នាទេ) ។ ហោរាសាស្រ្ត (--រ៉ាសាស) ក្បួនហោរ; វិជ្ជាសម្រាប់ហោរ, តារាសាស្រ្ត ឬជោតិសាស្រ្ត ។ ហោរាចារ្យ (--រ៉ាចា; សំ. ហោរា + អាចាយ៌) អ្នកស្ទាត់ជំនាញខាងហោរាសាស្រ្ត, គ្រូហោរ, ជោតិកាចារ្យ, ហិណ្ឌិកាចារ្យ ។ ព. កា. ថា: ពួកហោរព្យាករ ថាបុត្របវរ កបដោយលក្ខណា នៅជាគ្រហស្ថ នឹងបានឡើងជា ចក្រពត្រា- ធិរាជអង្គឯក ។ បើទ្រង់ព្រះផ្នួស នឹងបានឡើងហួស ដល់ធម៌ដ៏ប្លែក គឺជាព្រះពុទ្ធ វិសុទ្ធក្រៃពេក ជាសាស្តាឯក តែមួយក្នុងលោក ។ (ពួកហោរថ្វាយទំនាយចំពោះព្រះសិទ្ធត្ថកុមារ ) ។ល។