ហ្មាយ
ស. ( កិ. ) (អ. ថ. ហ្មា៎យ) សម្គាល់, ចំណាំ, កំណត់ដឹង; ប៉ង ។ ខ្មែរប្រើជា ម៉ៃ (ម. ព. នេះ) ។ ន. សំបុត្រកែនឬកោះយកខ្លួន, ដីកាកែន; ដីកាកោះ : មានហ្មាយឲ្យហៅខ្លួន (ប្រើតែក្នុងសម័យពីដើម) ។ ចុតហ្មាយ (ស. ចតហ្មាយ អ. ថ. ចុតហ្មា៎យ) សំបុត្រដែលសរសេរទៅមករកគ្នា (ប្រើក្នុងសម័យពីដើម); សំបុត្រក្រាបពិតក្រាបទូល (ប្រើក្នុងសម័យបច្ចុប្បន្ន) : ធ្វើចុតហ្មាយថ្វាយ ។ ចុតហ្មាយហេតុ (ស. ចត--អ. ថ. ចុតហ្មា៎យហេតុ) សំបុត្រសម្គាល់ឬប្រាប់ហេតុ គឺសំបុត្រកត់ដំណឹងឬប្រាប់ដំណឹងក្នុងគ្រាដែលកន្លងទៅហើយ (ម. ប្រ., ច្រ. ប្រ. កំណត់ហេតុ) ។