អង្គញ់​ស្វា

ពីWiktionary
Jump to navigation Jump to search

( ន. ) ឈ្មោះ​ឈឺ​ធំ​មួយ​ប្រភេទ, ស្លឹក​ធំ​ៗ​ស្រួច​ខាង​ដើម​និង​ខាង​ចុង​បន្តិច បណ្តោយ​និង​ទទឹង​ស្លឹក ២០ សង់ទីម៉ែត្រ, ផ្លែ​ពាំ​គ្រាប់​ជា​សង្កាត់​ជាប់​គ្នា ផ្លែ​មួយ​ៗ​ពីរ​គ្រាប់​ក៏​មាន​បី​គ្រាប់​ក៏​មាន, មាន​គ្រាប់​មូល​ៗ​ទំហំ ៣ សង់ទីម៉ែត្រ, គ្រាប់​ទុំ​មាន​ទ្រង់ទ្រាយ​និង​សម្បុរ​ក្រហម​ក្រមៅ​រលោង ដូច​គ្រាប់​អង្គញ់​សុទ្ធសាធ គ្រាន់​តែ​តូច​ជាង​គ្រាប់​អង្គញ់​ប៉ុណ្ណោះ, ប៉ុន្តែ​បើ​ទុក​ឲ្យ​យូរ​ទៅ​មាន​ស្វិត​ខ្លះ, អង្គញ់​ស្វា​នេះ​ច្រើន​ដុះ​ក្នុង​ព្រៃ​ភ្នំ​និង​ព្រៃ​ស្រោង, ដុះ​បែក​ជា​គុម្ព​ក៏​មាន, ជា​ឈើ​មាន​ប្រយោជន៍​ប្រើ​ការ​រាយ​រង​បាន, ប្រើ​ជា​ឧស​ក៏​បាន​ការ​ណាស់, ផ្លែ​ទុំ​ជ្រុះ​ក្រាប់​នៅ​រនោច​ខែ​កក្តិក​និង​ខ្នើត​ខែ​មិគសិរ : អង្គញ់​ស្វា​មាន​ដុះ​ច្រើន​ណាស់​នៅ​ក្រុង​ព្រះ​សីហនុ ។