អចិរ

ពីWiktionary

អៈចិ-រ៉ៈ សំ. បា. ( គុ. ) ដែល​មិន​យូរ, ឆាប់, ភ្លាម​ៗ; ដែល​មិន​ឋិត​ថេរ ។ អចិរ​កាល កាល​ឬ​វេលា​មិន​យូរ, ពេល​ខ្លី (ព. ផ្ទ. ចិរ​កាល ឬ ចីរ​កាល) ។ អចិរដ្ឋិត ឬ --ស្ថិត (--រ៉ាត់-ឋិត ឬ--រ៉ាស់-ស្ថិត) ដែល​ឋិត​នៅ​ឬ​តាំង​នៅ​មិន​យូរ : របស់​អចិរដ្ឋិត ។ អចិរដ្ឋិតិ ឬ --ស្ថិតិ (--រ៉ាត់-ឋិ-តិ ឬ --រ៉ាស់-ស្ថិ-តិ) ការ​ឋិត​នៅ​ឬ​តាំង​នៅ​មិន​យូរ ។ អចិរ​ទ្យុតិ, អចិរប្បភា, --ប្រភា, --ភាស ឬ អចិរាភា (--ទ្យុត, --រ៉ាប់-ប៉ៈ ឬ ប្រៈ--, --រ៉ា--) ជោតិ​ភាព​ដែល​មាន​ពន្លឺ​ឬ​រស្មី​មិន​យូរ គឺ​មាន​ពន្លឺ​ភ្លែត​ៗ​បាត់ (ផ្លេកបន្ទោរ, មហារីក ឬ​ស្វា​ញាក់​ចិញ្ចើម) ។ អចិរ​និវាស ការ​នៅ​មិន​យូរ​ប៉ុន្មាន; ការ​នៅ​សម្នាក់​ឬ​នៅ​សម្រាក​ភ្លាម​ៗ ។ អចិរ​និវាសី អ្នក​ដែល​នៅ​មិន​យូរ​ប៉ុន្មាន; ភ្ញៀវ​ដែល​មក​នៅ​សម្នាក់​មួយ​ពេល​ពីរ​ពេល (បើ​ស្ត្រី​ជា អចិរ​និវាសិនី) ។ល។