អត្ថិភាពនិយម

ពីWiktionary

(ទស្សនៈ, លទ្ធិ) existentialism, existentialisme ឥចលនាឬទំនោរទស្សនវិជ្ជាដែលផ្ដោតការយកចិត្តទុកដាក់ទៅលើអត្ថិភាពបុគ្គល សេរីភាពបុគ្គល និង ជម្រើសបុគ្គល។ -ទស្សនវិជ្ជាស្ដីអំពីមនុស្សក្នុងឋានៈជាបុគ្គល មានជីវិត និង ចេះគិត បុគ្គលមានសេរីភាពជ្រើសរើសសីលធម៌ បុគ្គល ចង់ចាកផុតពីសេចក្ដីទុក្ខ និងការប្រឈមមុខនឹងក្ដីអស់សង្ឃឹម និងបុគ្គលរស់នៅក្នុងការព្រួយបារម្ភនិងសេចក្ដីស្លាប់។ - ទស្សនវិជ្ជាស្ដីពីអ្វីដែលមានអត្ថិភាព ពិតនិងជាចលនាមួយប្រឆាំងនឹងប្រព័ន្ធគំនិតបុរាណដែលជឿលើគំនិតអរូបី។ ឧ. ទស្សនៈរួមរបស់ពួកអត្ថិភាពនិយមមានដូចជា ៖ -បុគ្គលម្នាក់គ្មានសារជាតិជាពិសេសទេ គ្មានអត្តសញ្ញាណផ្ទាល់ដោយខ្លួនឯងទេ គេបង្កើតដោយខ្លួនឯងតាមរយៈជម្រើសរបស់ខ្លួន។ - ចក្រវាលមិនផ្ដល់នូវច្បាប់សីលធម៌ទេ។ គោលការណ៍សីលធម៌កសាងឡើងដោយមនុស្សក្នុងបរិបទទទួលខុសត្រូវអំពើរបស់ខ្លួននិងរបស់អ្នកដទៃ។