អន្តរាគមន៍ការទូត

ពីWiktionary

(ការទូត) diplomatic intervention, intervention diplomatique អន្តរាគមន៍មួយដែលត្រូវបានធ្វើឡើងដោយអង្គការសហប្រជាជាតិឬអង្គការអន្តរជាតិនៅពេលមានជម្លោះអន្តរជាតិកើតឡើង។ អន្តរាគមន៍នេះ មិនមានប្រើអំពើហិង្សាដូចអន្តរាគមន៍យោធាទេ ហើយមានទម្រង់ចំនួន ៤ ដូចខាងក្រោម៖ ១-ការអង្កេត (inquiry) ៖ ការស្វែងរកការពិត ដោយអ្នកអង្កេតការណ៍អព្យាក្រឹត។ ២-ការសម្របសម្រួល (good offices)៖ ការលើកទឹកចិត្តភាគីនានាឱ្យចរចាគ្នាដោយប្រកាន់ជំហរអព្យាក្រឹតក្នុងការចរចា។ ៣-សន្ធានកម្ម (mediation)៖ ការស្នើឡើងជាដំណោះស្រាយ ដោយធ្វើជាអន្តរការីរវាងភាគីទាំងសងខាង។ ភ្នាក់ងារនេះមានតួនាទីសម្របសម្រួលឱ្យមានដំណោះស្រាយសន្តិវិធី ប៉ុន្តែគ្មានអំណាចចាប់បង្ខំឱ្យភាគីជម្លោះទទួលយកដំណោះស្រាយរបស់ខ្លួនឡើយ។ តួនាទីរបស់អ្នកសម្របសម្រួលគឺគ្រាន់តែផ្ដល់ឱវាទតែប៉ុណ្ណោះ។ ៤-ការសម្រុះសម្រួល (conciliation) ៖ នីតិវិធីដែលត្រូវបានបង្កើតឡើង ដោយគណៈកម្មការមួយ ដែលទទួលបានការទុកចិត្តនិងមានការឯកភាពពីភាគីជម្លោះ ដើម្បីតម្រង់ទិសភាគីនានាក្នុងការស្វែងរកដំណោះស្រាយមួយ ដែលមិនចងកាតព្វកិច្ចនិងដើម្បីផ្សះផ្សាជម្លោះរវាងភាគីនានា។