អល់អែកមធ្យម

អល់អែក​មធ្យម គឺជា​ឈ្មោះ​បក្សី​មួយ​ប្រភេទ មាន​ដងខ្លួន​ពណ៌​ប្រផេះ​។ ចំពោះ​បក្សី​ឈ្មោល បក្សី​នេះ មាន​ឆ្នូត​ខ្មៅ​កាត់​ភ្នែក ចំពុះ​ខ្មៅ ចុង​ខ្នង​ពណ៌​ស​។ រីឯ​បក្សី​ញី មាន​សំបុរ​ពណ៌​ទឹកដោះគោ ចំពុះ​ពណ៌​លឿង​។ ជាទូទៅ អល់អែក​មធ្យម គឺជា​ប្រភេទ​បក្សី​ដែល​ចូលចិត្ត​រស់នៅ​តាម​ព្រៃស្រោង ពាក់កណ្ដាល​ស្រោង ជួនកាល​មាននៅ​ព្រៃកោងកាង​ផងដែរ​។ បក្សី​នេះ​បង្ហាញ​វត្តមាន​ពេញ​មួយឆ្នាំ​នៅតាម​តំបន់​ទាំងឡាយ​ខាងលើ ហើយ​ធ្វើ​ការបន្ត​ពូជ​ចាប់ពី​ខែមីនា ដល់​ខែឧសភា​។​