អហោរត្ត
អៈហោរ័ត បា. ឬ សំ. ( ន. ) ថ្ងៃនិងយប់, ថ្ងៃមួយនិងយប់មួយ : នៅអស់អហោរត្ត នៅអស់មួយថ្ងៃមួយយប់ ។ ប្រើជា កិ. វិ. ក៏បាន “រាល់ថ្ងៃរាល់យប់; ទាំងថ្ងៃទាំងយប់” : ខំប្រឹងរៀនរាល់អហោរាត្រ ដល់ពេលអធ្រាត្រក៏មិនឈប់ ... ។ បើញៀនជាប់ហួសពេកចំពោះល្បែងគួរប្រដៅចិត្តថា : កើតទុក្ខជូរមុខឥតមានឃ្លាត អហោរាត្រណាក៏សញ្ជប់ គិតទៅគិតមកឃើញសព្វគ្រប់ គួរឈប់លះលែងល្បែងហ្នឹងទៅ ។ ព្រោះបើខំប្រឹងតទៅមុខ ក្តីទុក្ខនឹងចេះតែងំនៅ គួរគិតឲ្យឃើញការណ៍រាក់ជ្រៅ ណ្ហើយត្រូវលែងទៅកុំអាល័យ ! អហោរាត្រ