អុជអាល
អុច-- ( កិ. ) (ព. ប្រ.) ញុះញង់ចាក់រុកនាយអាយឲ្យក្ដៅចិត្តខ្លាំង (ដូចគេអុជផងអាលផង) : អុជអាលបណ្ដាលឲ្យទាស់គ្នា (ធ្លាប់សរសេរជា អុចអាល យូរមកហើយ ប្រើតាមទម្លាប់នោះក៏បាន ។ ម. ព. អុជ ផង) ។ ប្រើជា គុ. ក៏បាន : សម្ដីអុជអាល ។ (ព. កា ) : សម្ដីអុជអាល រែងនាំបណ្តាល ឲ្យកើតវិវាទ ឬបើពុំនោះ ក៏ត្រឹមបែកឃ្លាត ទោះញាតិនិងញាតិ ក៏អាចបែកគ្នា ។ ខូចការប្រាស្រ័យ លុះយូរខែថ្ងៃ រីករាលទៅជា បែកសាមគ្គី ដែលព្រះភគវា ទ្រង់ត្រាស់ប្រាប់ថា នឹងមានវិនាស ។ សម្ដីអុជអាល ចង្រៃត្រកាល ទោះបីអ្នកឈ្លាសអាចក្លាយជាខ្មៅ មួម៉ៅផ្តេសផ្តាស មន្រ្តីឬរាស្រ្ត ដើរទាសខុសផ្លូវ ។