អេគីណូកុកកូស

echinococcosis/hydatidosis/hydatiddisease, échinococcose ជំងឺបង្កដោយបរាសិតព្រូនសំប៉ែតស្ថិតក្នុងសន្តាន តេនីអ៊ីដេ (taeniidae) ពួកអេគីណូកុកគូស (echinococcus)។ ជំងឺនេះកើតចំពោះ មនុស្ស ឆ្កែ ឆ្កែចចក ជ្រូក កណ្ដុរ គោ ចៀម ពពែ សេះ និង អូដ្ឋ។ ព្រូនធំពេញវ័យរស់នៅក្នុងពោះវៀននៃធ្មួលចុង ដោយបញ្ចេញស៊ុតតាមរយៈលាមកមកមជ្ឈដ្ឋានខាងក្រៅ។ បន្ទាប់មក ស៊ុតនេះត្រូវបានលេបចូលតាមរយៈទឹក ចំណីដោយធ្មួលកណ្ដាល រួចញាស់ក្នុងពោះវៀនតូច ហើយបញ្ចេញអុងកូស៊្វែ (oncosphère) ដែលជ្រៀតចូលតាមភ្នាសពោះវៀន បន្ទាប់មក ជ្រៀតចូលសរីរាង្គផ្សេងៗ ជាពិសេសសួត ថ្លើម និង ខួរក្បាល។ នៅទីនោះ អុងកូស៊្វែក្លាយជាគីស្ត។ ធ្មួលចុងឆ្លងជំងឺដោយសារស៊ីចំណីដែលមានគីស្តទាំងនោះ។ នៅក្នុងពោះវៀនគីស្តធំលូតលាស់ ហើយក្លាយជាព្រូន។