ឥន្ទ្រី

ពីWiktionary
Jump to navigation Jump to search

ឥន្ទ្រី​គឺជា​ឈ្មោះ​បក្សី​មួយ​ប្រភេទ មាន​រូបសណ្ឋាន​ស្រដៀង​នឹង​រអាត ប៉ុន្តែ​មាឌធំ​សម្បើម​។ បក្សី​នេះ​គឺជា​ប្រភេទ​មំស​ភ័​ក្ខ មាននិយាយ​នៅក្នុង​រឿងបុរាណ​ថា​ច្រើន​មាននៅ​ទីប្រជុំ​ភ្នំ​ហិមពាន្ត​។ ពួក​អ្នកវិទ្យាសាស្ត្រ​សម័យ​បច្ចុប្បន្ន​ច្រើន​ហៅ​បក្សី​មួយ​ប្រភេទ​នេះ ជា​ភាសា​បារាំង​ថា អែ​គ្លើ​(Aigle)​ថា​សត្វ​ឥន្ទ្រី​។ បក្សី​នេះ​ជាទូទៅ​ដងខ្លួន​មាន​ពណ៌​ឈាមជ្រូក​ក្រ​ម៉ៅ ក្បាល​និង​កញ្ចឹងក​មាន​ពណ៌​លឿង​មាស មាន​ដៅ​ពណ៌​ស​អុជៗ​នៅ​ផ្នែក​ស្មា កន្ទុយ​ពណ៌​ប្រផេះ និង​ឆ្នូត​ទទឹង​ខ្មៅ​ធំ​នៅ​ចុងកន្ទុយ ផ្ទាំង​ស្លាប​ក្រោម​ពណ៌​ប្រផេះ​ជាំ​។ ពេល​មិនទាន់​ពេញវ័យ​បក្សី​នេះ មាន​ដងខ្លួន​ពណ៌​ព្រលែត​។ ឥន្ទ្រី​ជា​បក្សី​មួយ​ដែល​ចូលចិត្ត​រស់នៅ​តំបន់​វាល តំបន់កសិកម្ម ហើយ​វា​បង្ហាញខ្លួន​តែ​នៅ​រដូវប្រាំង និង​ជា​ប្រភេទ​បក្សី​កម្រ​៕

​ដកស្រង់​ពី​សៀវភៅ​៖ សត្វ​ស្លាប​នៃ​ប្រទេស​កម្ពុជា​, រៀបរៀង​ដោយ​លោក​តាន់ សេដ្ឋា និង កូ​លីន ភូ​ល​