វិល
( កិ. ) ប្រព្រឹត្តទៅមករកកន្លែងដើមវិញដដែលៗ : កង់រទេះវិល, កង្ហារវិល ។ ដើរជុំវិញ : ដើរវិលតាមភ្លឺស្រះ ។ ត្រឡប់ចុះត្រឡប់ឡើង : វិលទៅវិលមក ។ ត្រឡប់ទៅឬមក : វិលទៅផ្ទះវិញ, វិលមកវិញហើយ ។ វិលកើតវិលស្លាប់ កើតស្លាប់, ស្លាប់ត្រឡប់កើតទៀតឥតឈប់ឥតស្រាក ។ វិលខ្ញាល់ វិលញាប់ខ្លាំង ។ វិលគំនិត ទើសគំនិតគិតមិនលេច ។ វិលវក់ វិលវីវក់ ។ វិលវង់ វិលជាវង់, វិលតាមវង់មូល, វិលកេលកុង : ដើរវិលវង់ ។ វិលវល់ វិលចុះវិលឡើងដូចជាទឹកវល់ : គំនិតវិលវល់ ។ វិលវឹង វិលវិញ; វិលមកកើត (ម. ព. ចេរវិល ឬ ចេរវិលវឹង ផង) ។ វិលវៃ វិលវិញដោយរវៀសរវៃ, វិលវិញដោយប្រញាប់ ។ល។ (ប្រើជា វឹល ក៏មាន) ។